துளி

புன்னகை தேசமாய் நண்பர்கள்

சமுத்திரமாய் அண்ணண்கள்

ஆனந்தமாய் தம்பிகள்

பாசமலர் தங்கைகள்

என்று புது உறவுகளும் தொடர்கதையாய் - தந்தது பல்கலை

மறைந்து போகும் தமிழ்

திக்குவாய் ஆங்கிலம்

ரெண்டும் கெட்டான் சிங்களம்

என்று மும் மொழியிலும் பாண்டித்தியம் -தந்தது பல்கலை

அரசியல் காணாத வட்ட மேசை மாநாடு

என்று நட்பின் பிணைப்புகள் -தந்தது பல்கலை

காதலர்களின் கை கோர்ப்பில் ஒரு தவிப்பு

ஆம்ஸ்ட்றோங்க் காணாத நிலாக்கள்

அலைபாயும் மனது

என்று இளமை துடிப்புக்களும் - தந்தது பல்கலை

பலிக்காத காலை கனவுகள்

ஏசி அறையில் குட்டி தூக்கம்

கடமை மறந்து சில நாள் படிப்பு

நடிப்பாய் ஒரு படிப்பு

என்று படிப்புக்கும் எங்களுக்கும் சிறந்த பாலம் - தந்தது பல்கலை

அரட்டைக்கும் குறட்டைக்கும் லெக்சர் ஹால்

சைட்டுக்கும் சின்ன பை(ஃ)ட்டுக்கும் காண்டீன்

ஓய்வறைகளாய் போன பல்கலை நூல்நிலையம்

என்று நல்லவற்றையும் கற்று -தந்தது பல்கலை